Meahccegeainnut ja vuovdečuohppamat birastahttet Peurakaira guovllu nuorttil ja máttil. Guovllu čađa leat maid huksen geainnuid, lihkus goittotge buot geainnuid eai leat dárbbašan geavahit vuovdečuohppamiidda. Maŋimuš geaidnooassi huksejuvvui Peurakaira guovddážii 1990-logus. Geaidnu nohká Sarviselkäi, guovtti kilomehtera geahčai Bátneduoddara meahcceguovllu rájás. |
Peurakaira joatkkan nuortin lea Katramorosto guovlu, mii lea juo oassái biliduvvon vuovdečuohppamiin. Goittotge maid doppe leat velá divrras boares vuovddit oktiilažžan. Peurakaira lea seilon praktihkas áibbas čuohpakeahttá.
Meahciráđđehus lea plánen čuohppat Peurakaira guovddážis aŋkke Sarviselkäs, Häntävasanpalos ja Tämäkkäs. Dasa lassin Meahciráđđehus áiggošii čuohppat nuortin Katramorostos.
Guovllu mehciin eanaš lea klassifiserejuvvon ekonomiijavuovdin, main vuvddiid čuohppan lea áibbas vejolaš.
Meahciráđđehus áiggošii čuohppat guovllus 25 000 – 30 000 muorrakubihka jahkái. Peurakaira-Katramorosto falášii meahcceindustriija loahppameahttun dárbbuide dušše moadde guorbmebiillalástta beaivái. Muhto go mihtida viidodagaid mielde, de aŋkke 500 meahccehektára billašuvašii vuovdebargguid dihte. Go vel váldá vuhtii, ahte vuovdečuohppamiid maŋŋá meahcit eai leat šat ollisin, muoraid njeaidin bilidivčče sulaid 1000 hektára ovddas áigáhašmeahci. Peurakaira-Katramorostos lea 10 000 hektára viidodagas vuovddit, maid sáhttá álkit čuohppat, muhto mat livčče hui dehálaččat boazodollui ja luonddugáhttemii. Meahciráđđehus bilidivčče dán guovllu 10 jagis. Luondu lea diktán muoraid šaddat ráfis duháhiid jagiid.
.