Meahciráđđehus lea stáhta fitnodat, mii hálddaša eatnaša stáhta mehciin ja eatnamiin. Fitnodat buvttada ruđa stáhtii čuohppamiin daid vuvddiid, maid dat hálddaša.

Lahka Meahciráđđehusas meroštallá fitnodaga doaibman hálddašit, geavahit ja gáhttet luondduriggodagaid ja eará opmodaga nanaovdaneami ja ekonomálaš vuogi mielde

Eanaš Suoma boares vuvddiin lea Meahciráđđehusa hálddus. Oassi dain lea suodjaluvvon ja oassi ii. Meahciráđđehus čuohppa dábálaš doaimma oassin maid dakkár vuvddiid, mat livčče divrasat boazodollui ja luonddu máŋggabealatvuhtii.

Boazodoallolága mielde stáhta eatnamiid, mat leat erenomážit boazodoalu várás várrejuvvon guovllus, ii oaččo geavahit nu, ahte dat heađušta boazodoalu. Stáhtamehciid geavaheapmi čuohcá njuolga boazodollui, dasgo davvin stuorra oassi eatnamiin ja mehciin lea stáhta hálddus .

Meahciráđđehusa vuovdečuohppamat leat bilidan guohtumiid ja heađuštan boazobargguid iešguđet sajis boazodoalloguovllu. Nu Sámis go earásajiinge badjeolbmot leat gáibidišgoahtán rivttiideaset, go Meahciráđđehusa vuovdečuohppamat leat olahišgoahtán ain ođđa guohtumiid ala. Iige giige buhtte dáhpagiid maid vuovdečuohppamat dagahit boazoealáhussii.

Meahciráđđehusa vuovdečuohppamiin Peurakaira guovllus vástidit doaibmajođiheaddji Jan Heino, meahccedoallohoavda Hannu Jokinen ja guovlluhoavda Tapio Pouta. Lágádusa doaimmas Eana- ja meahccedoalloministeriijai vástidit hoavda Aarne Reunala ja minister Juha Korkeaoja.

Loga eanet: http://www.greenpeace.fi/metsa